annosh فنان مشهور
عدد الرسائل : 853 العمر : 38 Emploi : pharmacist Loisirs : القراءه والاعمال اليدويه تاريخ التسجيل : 26/11/2007
| موضوع: ح اتجن......... الإثنين يناير 21, 2008 2:41 pm | |
| ح أتجن
حاتجن ياريت ياخوانا
مارحتش لندن ولا باريز *********** دى بلاد تمدين
ونضافه وزوق ولطافه
وحاجه تغيظ ********************** مالاقيتش جدع متعافى
وحافى
وماشى يقشر خص..
ولا شحط مشمرخ افندى
معاه عود خلفه
ونازل مص..
ولا لب أسمر
وسودانى وحمص
وانزل ياتقزقيز.. ******** حاتجن ياريت يا أخواننا
مارحتش لندن ولا باريز
********************
ولا عركه فى نص الليل
دايره بالحيل
وساحبها بوليس...
قدامها جدع متجرجر
وشه معور
قال ايه دا عريس...
الخلق ماهى بتتجوز
واشمعنى أحنا مفيش تمييز...
********** حاتجن ياريت يا أخواننا
مارحتش لندن ولا باريز
***********************
ولا واحده فى وش الفجر
تبرطع ماليه الدنيا صوات...
قال ايه
جوز خالتى ام احمد
سلفة أخوها السيد
مات...
سبحانك ماأعظم شأنك
والله الموت
دا مفيد ولذيذ... ********* حاتجن ياريت يا أخواننا
مارحتش لندن ولا باريز
*********************
ولا واحد طالع يجرى
وواحد تانى بيجرى وراه...
ويقول هاهع حصلتك
يابن اللى ابصر أيه عاملاه...
لا الشارع غيط ياأخواننا
ولا احنا بداره
ولا احنا معيز...
********* حاتجن ياريت يا أخواننا
مارحتش لندن ولا باريز
**********************
ولا واحد بيبيع حاجه
يقول بريال وتاخدها بصاغ...
ياأخواننا دى حتى الابره
تاخدها بدوشه وقلب دماغ....
حلفان
وعراك
ومناهدة
ويمكن ضرب كفوف
ياحفيظ....
*********
حاتجن ياريت يا أخواننا
مارحتش لندن ولا باريز
**********************
ولا فيش ميت الف صعيدى
بتوع يابصيب هاجمين...
ولافيش
ميت الف معوض داعس
جاى معاه صندوق ورنيش...
والله كرهت القهوة
وحرمت أقعد ع الأفاريز.....
********** حاتجن ياريت يا أخواننا
مارحتش لندن ولا باريز
**********************
حاتجن ياريت ياخوانا
مارحتش لندن ولا باريز
دى بلاد تمدين
ونضافه وزوق ولطافه
وحاجه تغيظ ********************
بيرم التونسى | |
|
banyyy فنان مشهور
عدد الرسائل : 923 العمر : 33 Localisation : فالسوبر جيت ايون رابع كرسي من تحت ههههه تاريخ التسجيل : 27/11/2007
| موضوع: رد: ح اتجن......... الأربعاء يناير 23, 2008 4:36 am | |
| هههههههههههههههههههههههههههههههههههههههههههههههههههههههههههههه تحيا مصر يا انوش ههههههههههههههههههه برضوا مصر ام الدنيا | |
|
annosh فنان مشهور
عدد الرسائل : 853 العمر : 38 Emploi : pharmacist Loisirs : القراءه والاعمال اليدويه تاريخ التسجيل : 26/11/2007
| موضوع: رد: ح اتجن......... الأربعاء يناير 23, 2008 6:19 am | |
| هههههههههههههههه
طبعا يابنى هو فى احلى من مصر بس يعنى لو نحترمها شويه
مرسى يا بانى على مرورك العثل ده | |
|