annosh فنان مشهور
عدد الرسائل : 853 العمر : 38 Emploi : pharmacist Loisirs : القراءه والاعمال اليدويه تاريخ التسجيل : 26/11/2007
| موضوع: من رباعيات صلاح جاهين الأربعاء نوفمبر 28, 2007 3:34 pm | |
| اخترت لكم شويه روائع من رباعيات جاهين يارب تعجبكو
خرج ابن آدم من العدم قلت : ياه رجع ابن آدم للعدم قلت : ياه تراب بيحيا ... وحي بيصير تراب الأصل هو الموت و الا الحياه ؟ عجبي !!!
أنا شاب لكن عمري ألف عام وحيد لكن بين ضلوعي زحام خايف و لكن خوفي مني أنا أخرس و لكن قلبي مليان كلام عجبي !!!!
يا باب يا مقفول ... إمتي الدخول صبرت ياما و اللي يصبر ينول دقيت سنين ... و الرد يرجع لي : مين ؟ لو كنت عارف مين أنا كنت أقول عجبي !!!
سهير ليالي و ياما لفيت و طفت و ف ليه راجع في الضلام قمت شفت الخوف ... كأنه كلب سد الطريق و كنت عاوز أقتله .. بس خفت عجبي !!
انا كل يوم أسمع ........ فلان عذبوه أسرح في بغداد و الجزاير واتوه ما أعجبش م اللي يطيق بجسمه العذاب و اعجب من اللي يطيق يعذب أخوه عجبي !!!
أعرف عيون هي الجمال و الحسن و اعرف عيون تاخد القلوب بالحضن و عيون مخيفة و قاسية وعيون كتير وباحس فيهم كلهم بالحزن عجبي !!
الفيلسوف قاعد يفكر سيبوه لا تعملوه سلطان و لا تصلبوه ما تعرفوش إن الفلاسفه يا هوه اللي يقولوه بيرجعوا يكدبوه عجبي !!!
سرداب في مستشفي الولاده طويل صرخات عذاب ورا كل باب وعويل .. وفي الطــــــريق متزوقين البنات متزوقـــــــــــــين للحب و المواويل عجبي !!
الدنيا أوده كـــــــــــبيره للانتظار فيها ابن أدم زيه زي الحـــــــمار الهم واحد .. و الملل مشــــــترك و مفيش حمار بيحاول الانتـــــحار عجبي !!
أنا كنت شئ و صبحت شئ ثم شــئ شوف ربنا .. قادرعلي كل شـــــــئ هز الشجر شواشيه ووشوشني قال : لابد ما يموت شئ عشان يحيا شئ عجبي !!
كيف شفت قلبي و النبي يا طبيــــــــــــب همد و مات و الا سامع له دبيـــــــــــــب قاللي لقيته مختنق بالدمـــــــــــــــــــــوع و ما لوش دوا غير لمسه من إيد حبيب عجبي !!!!
.. دي مزكرات و كتبتها من ســـــــــنين في نوتة زرقا لون بحور الحنيــــــــــــن عترت فيها .. رميتها في المهمـــــــلات وقلت صحيح أما صحيح كلام مخبولين عجبي !!
يارب يكون الموضوع عجبكم[/center] | |
|
nana Admin
عدد الرسائل : 824 العمر : 36 Localisation : الارض حاليا .. ربما انتقل الى السماء قريبا تاريخ التسجيل : 17/02/2007
| موضوع: رد: من رباعيات صلاح جاهين الأربعاء نوفمبر 28, 2007 6:59 pm | |
| ميرسى جدا يا انوش على الكلام الجميل ده تسلم ايديكى يا قمر | |
|
annosh فنان مشهور
عدد الرسائل : 853 العمر : 38 Emploi : pharmacist Loisirs : القراءه والاعمال اليدويه تاريخ التسجيل : 26/11/2007
| موضوع: رد: من رباعيات صلاح جاهين الخميس نوفمبر 29, 2007 12:28 pm | |
| مرسى ليكى يا قمرى
ربنا يخليكى ليه
ولو فيه حد بيحب صلاح جاهين يقولى انا عندى له حاجات كتيييييييير | |
|
one man مشرف عام
عدد الرسائل : 211 الدوله : تاريخ التسجيل : 23/11/2007
| موضوع: رد: من رباعيات صلاح جاهين الجمعة نوفمبر 30, 2007 5:08 am | |
| طبعا مفيش حد مش بيحب صلاح جاهين ومرسى ليكى يا قمر على التيبك الجامد ده تحياتى | |
|
annosh فنان مشهور
عدد الرسائل : 853 العمر : 38 Emploi : pharmacist Loisirs : القراءه والاعمال اليدويه تاريخ التسجيل : 26/11/2007
| موضوع: رد: من رباعيات صلاح جاهين الجمعة نوفمبر 30, 2007 8:34 am | |
| مرسى ليك يا مان
وان شاء الله اعمل واحد كمان | |
|
pody lovely مشرف
عدد الرسائل : 58 العمر : 29 تاريخ التسجيل : 19/07/2007
| موضوع: رد: من رباعيات صلاح جاهين الجمعة نوفمبر 30, 2007 11:57 am | |
| ميرسى اوووووووووووى يا انوش على الموضوع الجميل ده وعجبى هههههههههه | |
|
annosh فنان مشهور
عدد الرسائل : 853 العمر : 38 Emploi : pharmacist Loisirs : القراءه والاعمال اليدويه تاريخ التسجيل : 26/11/2007
| موضوع: رد: من رباعيات صلاح جاهين الجمعة نوفمبر 30, 2007 12:05 pm | |
| مرسى ليك انت يا بودى
وعجبى | |
|