اسئله محيرانى جدا .........عايزاكو تردو عليها

بجد موضوع رائع جدا جدا
و انا فعلا نفسى اعرف اول و تانى سؤال
يا ريت يا شباب تردو على الاسئله دى

و بردو انا بحس ان الولاد عندهم عقدت ان الولد غير البنت
طيب يا سيدى ماقولناش حاجه بس يعنى مش تعمل حاجه غلط و بعد كده تقولى براحتى انا ولد يبقى اعمل الى انا عايزو
يا راجل؟؟؟؟؟
و بجد ميرسى ليكى يا حوبى على الوتبيك الجامد موت ده

مرسى ليك انت يا جميل...........
وياريت الولاد يردو عليه ...........عشان انا اتخنقت جدا من الموضوع ده على فكره

فعلا يا انوش الموضوع ده مهم جدا جداااااااااا

ومهم اوى اننا نحطله اسس عشان تكون حياتنا مرتبه

وعشان نتقدم لكن لو فضلنا كدهه هايفضل الاسلام مغموووووور

مش بس كده ده كمان اى حد يقدر يسيطر علينا

وطبعا هو ده الواقع
ياريت تقولوا الاسباب ونفكر فيها

وكل مشكله واكيد ليها حل

لكن الاهم هو ادراك المشكله

.........

ميرسى جدااااااااا يا انوش يا قمر

بجد موضوع رااااااائع

جزاكى الله كل خير

لالالالالالالالالالالالالالالالالالالالالالالا

مش كله كدا يا انوش ولا يا دكتورة

بس اللى اقدر اقوله ان ممكن الولاد

يكونوا بيرخموا على البنات فى حاله

لما يكونوا معتبرنهم زى الاخوات بس

انتى طبعا فهمانى

شكرا على موضوعك

تحياتي

مرسى يا نانا على ردك العسول ده .........وادى اول ولد اما نشوف كتب ايه

مرسى يا تيار على ردك ........بس انا برضو مش مقتنعه
انت بتقول بيرخموا لما بيكون معتبرها زى اخته ......طب ماهو مفيش ولد يرضى لاخته ان اى حد يعرف عنها كل الحاجات دى ولا ايه؟؟

وبعدين ارجع انت لايام زمان وشوف كانو بيلبسو ايه ........كانو كلهم بيلبسو زى نجوم السينما فى افلام زمان طبعا بتشوفهم .......لكن دلوقتى فيه اللى بتلبس كويس وفيه اللى بتلبس وحش .......ماشى انا معاك ان فيه ولاد كويسين بس للاسف نادريين جدا..........لكن البنات الكويسه كتير الحمد لله....بنات عرفت تحافظ على نفسها بجد

وبعدين قولى انت......اكيد انت تعرف ناس كتير ولاد وبنات ..........جرانك, قرايبك, زمايلك........شوف نسبه البنات الكويسه ونسبه الولاد الكويسه

وبعدين لو المجتمع اتغير للاسوأ طب ماحنا المستقبل........واحنا اللى لازم نغيره

وبعدين معلش مش هيه دى الحكمه فى ان الراجل يتجوز اربعه والست لأ وان الراجل هو اللى بيجاهد والست لأ.........انتو كده فاهمين غلط.......الدين حط فرق كبير بين الرجل والمرأه لاسباب تانيه خالص........مش كده لا......وبعدين ارجع للمرأه فى الاسلام ......على فكره كانو بيشاركو فى الحروب.........ووصلت لانها حملت السيف.......وبعدين الدين ادى القوامه للرجل لانه هو اللى المفروض انه يحمى المرأه ويحافظ عليها ويصرف عليها.........وللاسف مش هو ده اللى بيحصل دلوقتى

بس ميرسى ليك بجد انك رديت عليا ..........وبجد نورتنى

مرسى يا شباب على انكو رديتو ........دى فى حد ذاتها شجاعه

و الشجاعه بقت نادره الايام دى برضو .........

بس يا جماعه انا حاسه انكو واخدين الموضوع بحساسيه اوى.......انا بتكلم عادى يعنى.......بقول اللى شايفاه قدامى......والحاجات اللى بتحصل كل يوم........وبعدين انا معاكو ان فيه بنات مش اد كده........بس انا بتكلم عن الاغلبيه........الناس العاديه يعنى .....الناس المحترمه........تلاقى البنت ما شاء الله .......واخوها لا حول ولا قوة الا بالله........طب ماهى نفس التربيه ...نفس الام ونفس الاب اللى ربوها هم اللى ربوه........اكيد مش كل الغلط علي الولد بس.......للاسف اهالينا ربونا الولد غير البنت.......وده انا شايفه انه غلط..........وبعدين انتو اللى قلته ان البنات بالنسبه للولاد السهل الممتنع .....طب ماهو عشان مش كل البنات بترضه تكلم ولاد صح ولا ايه؟؟..........

وبعدين موضوع ان الولد لما يبات بره البيت هيحصله ايه........انا مش بقول يحصله ايه.......انا بقول هو ممكن يعمل ايه؟؟........وبعدين ربنا سبحانه وتعالى قال "وجعلنا اليل لباسا وجعلنا النهار معاشا".......مقالش الولد اه والبنت لا.......ومحدش يقولى ان فيه ناش بتشتغل بالليل......ماشى يشتغلو ....بس اكيد مش كل اللى فى الشارع دول بيشتغلو ولا ايه؟؟

وبعدين انا مش قلت ان الست تصرف على جوزها..........ولعلمك فيه رجاله بتجبر زوجاتهم انهم يشتغلو.......وفيه ولاد لما بيتقدمو لعروسه بدورو على واحده تكون ناويه تشتغل.......انا برضو مش بقول ان كل الولاد كده عشان مفيش حد يفهمنى غلط........بس فيه ناس كتير كده

المهم يا شباب ان مش بقول ان الولاد شياطين والبنات ملايكه يعنى .........كل حاجه فيها الحلو والوحش......بس انا كنت بحاول اعرف ايه وجه نظر الولاد فى الموضوع بس مش اكتر ......

وبجد انا مبسوطه انكم رديتو كده واهتمتو بالموضوع يعنى ............ميرسى لكل اللى ردو بجد.........مرسى يا تيار........مرسى يا قلب المحيط........مرسى يا نور.......

بس آخر حاجه عايزه اقولها..........انى هرد على سؤال نور

انا مش عرفت فئه......انا كل الكلام اللى كاتباه ده حصل قدام عينى .........لانى عندى اخواتى تلاته ولاد اتنين اكبر منى وواحد اصغر منى............واصحابهم طول عمرى بشوفهم.........وعارفاهم واحد واحد ........ومعظم صاحباتى اخوات اصحاب اخواتى اصلا ..........وكلنا جران .........ومعظم قرايبى ولاد........يعنى دى مش مجرد فئه....وكل الولاد دول اخواتهم البنات محترمين جدا......وللاسف كلهم نفس النسخه........اه فيهم كويسين وجدا كمان ........بس كام يعنى واحد..... اتنبن.....تلاته ....معتقدش اكتر من كده........ وهو ده اللى لفت نظرى للموضوع ده وحبيت اشوف رأى الشباب فيه...........بس يا عم نور ولا تجربه فاشله بقى ولا حاجه من دى خالص الحمد لله....

ومتشكره اوى على ردك يا باشا......وبجد نورتنى ونورت المنتدى كله

ايه يا شباب فين بقيت الناس ........بجد الموضوع كبير وعايزين نتكلم فيه

يعنى لو انا غلطانه حد يقولى ويقنعنى الغلط فين بالظبط

ولوعندى حق يبقى الاولى ان احنا نلاقى حل ولا ايه؟؟