هو انت ليه بتقول:"............."؟!!!!! ولا لسانك خ
4 مشترك
كاتب الموضوع
رسالة
wildcat Admin
عدد الرسائل : 1652 العمر : 33 Localisation : home sweet home Loisirs : الرسم - كوره القدم الدوله : تاريخ التسجيل : 26/02/2007
موضوع: هو انت ليه بتقول:"............."؟!!!!! ولا لسانك خ الخميس ديسمبر 13, 2007 4:46 pm
السلام عليكم ورحمة الله وبركاته
هو ليه إنت بتقول: "..........."؟!
لو إنت مصري.. بجد وبحق وحقيق أكيد في يوم من الأيام ركبت.. مترو.. أتوبيس.. ميكروباص.. ولو ركبت.. حاجة من دول فأكيد مشيت في الشارع! -حاجة بديهية كده!- ولو مشيت.. في الشارع فأكيد سمعت أصوات الكلاكسات والزحمة والهيصة.. ولو سمعت.. الأصوات دي فأكيد سمعت الناس وهي بتتكلم.. ولو سمعت.. الناس وهي بتتكلم فأكيد سمعت الشباب الحلوين اللي زيك كده وهم برضه بيتكلموا! ولو سمعتهم.. بيتكلموا فأكيد سمعت سيل من الألفاظ المحلاة بكوكتيل من الشتائم الأصيلة......
اسمع كده..
- "امبارح شفت فيلم بس إيه ابن "........" بجد يعني!" - "لأ وشفت لما البطل طلع ".............." زعيم العصابة! يخرب بيت"........""! ده بيحصل يعني كده في السريع، وحتى يعبروا عن إعجابهم بالفيلم.. واخد بالك! لكن الأمر مش بيقف عند هنا.. بيتطور إلى ما هو.... "هتنزل معايا بكرة نروح "......." ولا هتعمل نفسك "........." زي كل مرة! "لأ طبعا أنا هاطلع أشرف من "........." وهاجي معاك!" "ها هاها.. تصدق إنك ابن "....." فعلا! "هع هع هع تصدق إنت إن أمك هي اللي "....." بجد"!
طبعا كل الـ".............." اللي فاتت حذفتها لأنه ماتنفعش تكتب من الأساس.. عيب يعني.. وكمان احنا عاوزينك تشغل دماغك وتطلق لخيالك العنان في تصور هذه الـ"......." المحذوفة.
من الواضح طبعا أنها شتائم بذيئة وقبيحة جدا..
وإذا كانت الناس زمان كانت بتنظر للي بيقول الألفاظ دي نظرة كلها اشمئزاز واندهاش من كونه بيقولها.. فدلوقت الوضع تغير تماما!
بقى عادي خالص إنك تكون ماشي مع والدتك أو أختك وتلاقي واحد بيهزر -آه والله بيهزر- مع صاحبه فيروح شاتمه بوالدته.. ويا ريت شتائم عادية -ده إذا كان فيه شتائم عادية أصلا!- وإنما شتائم متعلقة بشرف الأم!
اللي يجنن إنك تلاقي الأخ المشتوم بيضحك جدا وفي منتهى السعادة.. وبعدين مايسكتش بقى سيادتك.. لأ.. تلاقيه رد على صاحبه ده ويقوم شاتمه برضه شتيمة أكثر قبحا متعلقة بالأم!.. على اعتبار يعني إن مافيش أم أحسن من أم! شيء يدعو للـ"......." الصراحة!
المثير للعجب برضه..إن الشباب الـ"......." اللي بيقول الكلام ده ماعادش بيشعر بأي خجل، بل إن الأمر أصبح وسيلة للتفاخر في مين أكتر واحد بيعرف يشتم صاحبه بالأهل!
وبعد ما كانت الألفاظ دي بيتم تداولها على نطاق سري وبشويش وبخجل.. يعني في ركن في الشارع.. أو في آخر حتة في الجامعة.. أو على بوابة المدرسة.. أو في قعدة على القهوة.. أو حتى في أوضة مغلقة..
ماعادش فيه الكلام ده.. دلوقت ممكن تسمع الألفاظ الـ"........" دي في كل حتة إنت ماشي فيها.. وفي أي وقت صبح أو ليل..
وكمان الأمر مش مقتصر على شريحة واحدة من الشباب ممكن تقول عليهم مثلا مثلا.. مش متعلمين أو حتى عايشين في مكان مش راقي..
ده يمكن الشباب المتعلم المتنور الحلو هو اللي بيقول الألفاظ دي أكتر من الشباب الأمي! والشباب اللي بيروح النوادي والكافيهات وبيشيت على النت هو اللي بيعمل مسابقات في مين أكتر واحد فيهم بيعرف يشتم بالأم والأب والأخ والأخت والجد والجدة!
وياريت الأمر واقف عند إن الشباب –الذكور اللي بشنبات- هم اللي بيقولوا الألفاظ الـ"......" دي! ده توغل وانتشر ووصل.. إلى الجنس اللطيف..!! هو صحيح إن الأمر ماخدش الشكل العلني زي الأولاد.. ومشهد إنك تشوف بنتين ماشيين في الشارع بيقولوا لبعض جمل مطعمة بكوكتيل من الشتائم والألفاظ الـ"......." مش منتشر قوي.. بس ده فين في الشارع..
لكن الأمر مفتوح على البحري في جلسات البنات الخاصة.. والألفاظ التي تتداول بينهن يشيب لهولها العيال الصغيرة
والسؤال هنا.. وده من إيه ده؟!
إيه اللي بيخلي الشباب -ولاد على بنات- يطعموا كلامهم بالألفاظ البذيئة والشتائم المبتكرة واللي بتكون في الأغلب متعلقة بالأهل؟!
احنا متفقين إن لكل جيل لغته الخاصة به بس هي لازم اللغة دي تكون فيها ألفاظ "........." ولا مؤاخذة؟! ولو كنت من الشباب اللي بيستخدم الألفاظ دي.
وإيه اللي بيخليك تقولها؟ ويا ترى بتشعر بالخجل بعد ما تتلفظ به.. ولا ده حصل أول مرة.. وخلاص بقى؟ وليه بترضى إن حد من أصحابك يقول لك كده؟ وياترى إنتم شايفين إن دي مشكلة أصلا تستحق نتكلم عنها..؟ ولا خليك إيزي يا عزيزي.. والعملية في العادي يعني.. ومافيش حد بيكون قاصد إن يشتم أهل زميله.. كله هزار يعني؟ ممكن تساعدونا وتدلوا برأيكم... بس لو سمحتم من غير أي ألفاظ "......."!
themoonlight فنان بيقول يا هادى
عدد الرسائل : 31 تاريخ التسجيل : 10/12/2007
موضوع: رد: هو انت ليه بتقول:"............."؟!!!!! ولا لسانك خ الخميس ديسمبر 13, 2007 4:58 pm
اولا انا بحييكي علي الموضوع ده بس انتي بتتكللمي علي جزء من الناس طل لو انتي شفتي اتنين بيقولو الكلام ده لعض هتلاقي غيرهم بيقولو لا حول ولا قوه الا بالله وممكن دي بتتطلع من اللي قايلها غصب عنه وفيه بيرد يقوله عندك بلاش الغلط وفيه اللي بيعديها لانهم متعودين علي كده مع بعض يعني تقدري تقولي انه ضاع من عندهم بعض النخوه وده جء مش كبير علشان يتعملهم اتبار لانهم اقل في القيمه من كده بكتير وبشكرك علي موظوك وسلامي نور
wildcat Admin
عدد الرسائل : 1652 العمر : 33 Localisation : home sweet home Loisirs : الرسم - كوره القدم الدوله : تاريخ التسجيل : 26/02/2007
موضوع: رد: هو انت ليه بتقول:"............."؟!!!!! ولا لسانك خ الإثنين ديسمبر 17, 2007 6:46 pm
themoonlight كتب:
اولا انا بحييكي علي الموضوع ده بس انتي بتتكللمي علي جزء من الناس طل لو انتي شفتي اتنين بيقولو الكلام ده لعض هتلاقي غيرهم بيقولو لا حول ولا قوه الا بالله وممكن دي بتتطلع من اللي قايلها غصب عنه وفيه بيرد يقوله عندك بلاش الغلط وفيه اللي بيعديها لانهم متعودين علي كده مع بعض يعني تقدري تقولي انه ضاع من عندهم بعض النخوه وده جء مش كبير علشان يتعملهم اتبار لانهم اقل في القيمه من كده بكتير وبشكرك علي موظوك وسلامي نور
اولا انت بجد منورنى هنا فى التوبيك بجد ثانيا بقه ههبسم الله هههههههههههههههههانت بتقول ان دول قله قليله انا معلش بقولك لا ده اغلبيت الناس بقه ده بالنسبه لهم عادى جدا بقت الشتيمه فى بقهم زى اللبانه زى ما بيقولو و بعدين قله قليله ازاى دول فى المدراس و الشوارع و كل حته تروحها بجد بقو اوفر اوى و كمان حته لو افترضنا انهم قله ماحنا المفروض نحد منهم عشان مش ينتشرو و تبقى البلد كلها كده ولا ايه؟؟و ميرسى ليك تانى بجد منورنى جدا و منتظره ردود بقيت الاعضاء
annosh فنان مشهور
عدد الرسائل : 853 العمر : 38 Emploi : pharmacist Loisirs : القراءه والاعمال اليدويه تاريخ التسجيل : 26/11/2007
موضوع: رد: هو انت ليه بتقول:"............."؟!!!!! ولا لسانك خ الخميس ديسمبر 20, 2007 8:05 am
عندك حق يا ميرى
فعلا الموضوع ده مهم جدا ............وهم فعلا الاغلبيه مش قله قليله ولا حاجه
مرسى يا حبى بجد....... موضوع جاااااااامد
nana Admin
عدد الرسائل : 824 العمر : 36 Localisation : الارض حاليا .. ربما انتقل الى السماء قريبا تاريخ التسجيل : 17/02/2007
موضوع: رد: هو انت ليه بتقول:"............."؟!!!!! ولا لسانك خ الخميس ديسمبر 20, 2007 12:21 pm
بجد الموضوع ده مهم جدا
والكلام ده والالفاظ دى بجد منتشره جدا
وبجد ده بسبب احراج للناس اللى بتسمع
وده اللى نقدر نسميه التلوث السمعى
وطبعا الاسلام مش ممكن يقبل الالفاظ دى
فيجب علينا لنكون امثله حقيقيه للدين وللاسلام
ان نلتزم باخلاقه الحميده
فعندما ننظر الى اخلاق النبى صلى الله عليه وسلم واخلاق الصحابه والتابعين رضى الله عنهم
وننظر الى الاخلاق الان
نعرف ونلاحظ بكل وضوح سبب ضعف وانهزام الامه الاسلاميه
السبب هو ان كتير مننا تركوا الدين والمبادء والاخلاق وبيجروا وراء سراب
سراب فانى وهو الدنيا بفتنها وهى بالطبع فانيه
..........
سورى طولت عليكوا
ميرسى جدا يا ميرى على اثارة هذا الموضوع الهام
نسأل الله ان يهدى شباب المسلمين ليبنوا المجد للأمه الضائعه
تحياتى لكى ،،
wildcat Admin
عدد الرسائل : 1652 العمر : 33 Localisation : home sweet home Loisirs : الرسم - كوره القدم الدوله : تاريخ التسجيل : 26/02/2007
موضوع: رد: هو انت ليه بتقول:"............."؟!!!!! ولا لسانك خ الجمعة ديسمبر 28, 2007 5:14 pm
annosh كتب:
عندك حق يا ميرى
فعلا الموضوع ده مهم جدا ............وهم فعلا الاغلبيه مش قله قليله ولا حاجه
مرسى يا حبى بجد....... موضوع جاااااااامد
حوبى ميرسى ليكى على ردك يا سكره و ربنا يهدى هنعمل ايه يعنى هححح
wildcat Admin
عدد الرسائل : 1652 العمر : 33 Localisation : home sweet home Loisirs : الرسم - كوره القدم الدوله : تاريخ التسجيل : 26/02/2007
موضوع: رد: هو انت ليه بتقول:"............."؟!!!!! ولا لسانك خ الجمعة ديسمبر 28, 2007 5:18 pm
nana كتب:
بجد الموضوع ده مهم جدا
والكلام ده والالفاظ دى بجد منتشره جدا
وبجد ده بسبب احراج للناس اللى بتسمع
وده اللى نقدر نسميه التلوث السمعى
وطبعا الاسلام مش ممكن يقبل الالفاظ دى
فيجب علينا لنكون امثله حقيقيه للدين وللاسلام
ان نلتزم باخلاقه الحميده
فعندما ننظر الى اخلاق النبى صلى الله عليه وسلم واخلاق الصحابه والتابعين رضى الله عنهم
وننظر الى الاخلاق الان
نعرف ونلاحظ بكل وضوح سبب ضعف وانهزام الامه الاسلاميه
السبب هو ان كتير مننا تركوا الدين والمبادء والاخلاق وبيجروا وراء سراب
سراب فانى وهو الدنيا بفتنها وهى بالطبع فانيه
..........
سورى طولت عليكوا
ميرسى جدا يا ميرى على اثارة هذا الموضوع الهام
نسأل الله ان يهدى شباب المسلمين ليبنوا المجد للأمه الضائعه
تحياتى لكى ،،
بجد انا برفعلك القبعه على ردك الجامد موت ده يا نانا