نقابه الحرميه اشترك بسرعه

هاى شباب موضوع انهارده بجد تحفه هو كاتبه واحد صديق
ويارب يعجبكم
هيييييه نقابة للحرامية



سار على مهل متبخترا ، وهو يرفع بين الحين والآخر يده ليرزع نفس من سيجارته ويرفع رأسه عاليا مطلقا مدخنة من فمه وانفه



واضعا بكل ثقة يده الأخرى في جيب بنطاله ، وقد تدلى الجاكت الضخم الذي يرتديه قليلا من الخلف مظهرا جزء من رقبته ( قفااه))




غير عابئ بخطورة ظهور قفاه عاريا في مثل هذا المكان







وهو يصبح على كل من يقابله داخل قسم الشرطة: مساء العسل ، مسا السكر



مساءالقشطة



مساءالجبنة والزبادي



وكل منتجات الألبان







وذهب رأسا الى احد المخبرين الملطوعين ع الكراسي يتناول عشاءه الفاخر



ساندوتيشا من اللحم المفروم المأسوف على عمره يدعى حواوشيا







الوقت تأخر الساعة الحادية عشرا ليلا وهو مهدود مـن الصفع ع القفا والضرب على الرأس



ويجب ان يرم عظامه الغير لينة







اخرج الشاب فورا من وراء أذنه سيجارة أخرى مناولا اياها للباشا المخبر



اتفضل يا عسل ، حلي بقك







تناول المخبر السيجارة ووضعها خلف أذنه مباشرة ليشربها لاحقا ويحلي بها شلاضيمه بعد ان يلتهم عشاءه






سأل الشاب بخباثة: ها يا عم الرحلة فين النهاردة






ابتسم المخبر ابتسامة مائلة بزاوية 120 درجة منفرجة وهو يتخابث هو ايضا: انت رحلتك فين يا سوكومنوس






اخرج الشاب من جيبه ورقة فئة العشرين جنيه



وهو يقوله : دا ربط كلام بس يا حبيبي ، وعاوز المنطقة الجنوبية نضيفة النهاردة






اخذ المخبر الـ money ببرود






وهو يقول مش بمزاجي ما انت عارف






طلع الشاب كمان عشرين وقال: معلش دا ضروري جدا ، عملية لوز



رد المخبر ع طول: خلاص نحاول






الشاب قال : اه يا عم والله ، الحالة مأشفرة خالص ولازم الرحلة دي الليلة ،



حرك المخبر لسانه يسلك اسنانه وهو يتثائب






طيب طيب قول بس يا رب



والباشا بتاعنا يتهدالنهاردة ويكسل




الشاب:



يا اخي الباشا دا نشيط اوي كل شوية ناطط لنا






المخبر متعصب: والله انا عامل اللي عليا وكل شوية اكسله ، هو بيحب يطارد دا ويجيب دا وعايش دور البطولة



لسة واد نقيب صغير بأة وحاسس بالنشاط






وبص له بجدية وقاله: وعشان خاطرك دايما اعطله ، واقوله سيبه يا باشا وح نجيبه ح يروح منا فين وهو لازم يكمل لآخر نفس







الشاب : يا ع دي الجدع يا ولاد ، مش ح نعرف ناكل عيش ولا ايه في المنطقة يعني



ح نلاقيها منين ولا منين نروح لمين بأة نشتيكي







ضحك المخبر بسخرية وقال: اعملولكم نقابة انت والحرامية اللي زيك



هأ هأ هأ هأ هأ هأ






الشاب وهو غاضب: انت بتقول فيها طيب بكرة تشوف ان ماكنش يعملولنا نقابة تشوف مطالبنا وتحمي مصالحنا



الله ايه يا جدعان ما احنا من الشعب بردو







المخبر وهو يتلفت حوله وقد بدأ صوتهم يعلا والظابط ع وشك يحضر: اه يا خويا الشعب البلطجي اللي عاوز القرش بسرعة من غير تعب ، الشعب الحرامي






قال الحرامي وهوينهض : بردو بكرة تشوف لازم يكون لنا كلمة في البلد دي



وحينضم لنا ناس كتير لعلمك باة وناس كبيرة ومهمة وتقيلة كمان



دا الحرامية اكتر من الشعب يا عم



وفي حرامية من العيار التقيل ، مش لازم يكون لهم وضعهم بردوا؟



لازم يكون لنا نئابة







جلجلت ضحكة المخبر( نياهاهاهاهاها)



والحرامي يسير متبخترا ويرمي التحية على من يقابله من المخبرين خارجا من القسم في نفس الوقت الذي يدخل فيه النقيب الى القسم وييرمي له التحية كل من يقابله بما فيهم الحرامي الذي يسرع بالخروج ويداري وجهه الكالح وهو يبتسم ساخرا


















ملحوظة: ساندويتش الحواوشي المذكور أعلاه لا يمت بصلة لأي حواوشي آخر ، وأي تشابه بينه وبين أي حواوشي في الواقع هو من قبيل الصدفة



اطلقوا لخيالكم العنان

هههههههههههههههههههههههه
طيب انا عايزة اسال سؤال صحبك الى كاتب الحكاية دية هو هو الحرامى ولا واح تانى
ممكن رد لو سمحت

ههههههههههههه عسل يا بوسى


مرسى يا حماده بجد جاامد